TERCEIRO CICLO: ÁREA NEUROCIENCIAS

Tese sobre aspectos psicolóxicos no cancro.

1. Introducción:

   O catálogo da Biblioteca

   As revistas

   Préstamo interbibliotecario

   Xestor de enlaces SFX

2. Bases de datos

   Antes de comezar debes saber se xa existe algunha tese publicada sobre a materia. O mellor é qeu consultes as bases de datos:

   PQ Dissertations and Theses

   Proporciona referencias bibliográficas e abstracts de máis de 1,2 millóns de teses lidas en máis de 1000 institucións de todo o mundo dende 1861. Cada disertación publicada desde xullo de 1980 inclue un resumen de 350 palabras feito polo autor.

   TESEO.

   Recolle información das teses doctorais das Universidades españolas dende 1976.

   Unha vez decidido o tema sobre o que versará a túa tese deberás recabar toda a información disponible: monografías, artigos de revistas, actas de congresos... Para isto están as bases de datos, nas que podes facer calquera procura e obter referencias sobre distintos documentos, moitas veces coa posibilidade de acceder electrónicamente ao texto completo. Para iso o máis importante é realizar unha boa estratexia de búsqueda.

   Multidisciplinares:

   ISI Web of Science

   Información:

   Isi WOS é un recurso que se compón de cinco bases de datos:

   • Science Citation Index Expanded

   Os índices de citas, Science Citation Index Expanded, son índices de revistas científicas. Contan con 5.900 revistas indexadas dunhas 150 disciplinas científicas. Proporcionan acceso a información en curso e retrospectiva dende 1945, con un promedio de crecemento de 19.000 novos rexistros á semana, e 423.000 novas referencias citadas por semana.

   • Social Sciences Citation Index

   Inclúe indexadas máis de 1.725 revistas de 50 disciplinas das ciencias sociais; indexando de xeito individual e seleccionado, ítems importantes de cerca de 3.300 revistas científicas e técnicas mundiais. Con un fondo retrospectivo que vai dende 1956, con unhas 2.900 novos rexistros cada semana, inclúe unhas 60.000 novas citas por semana.

   • Arts & Humanities Citation Index

   Índice que cubre 1.144 revistas de artes e humanidades, e son seleccionadas e indexadas entre cerca de 6.800 revistas da ciencia e ciencias sociais.

   Proporciona acceso a información en curso e retrospectiva dende 1975 , cun incremento semanal de 2.300 novos rexistros; engade aproximadamente 15.250 novas citas por semana; contendo un total actual sobre os dous millóns e medio de rexistros.

   • Index Chemicus

   Dende 1993 a 2003 conten ao redor de 2.1 millóns de compoñentes; e actualízase cuns 3.500 compoñentes cada semana.

   • Current Chemical Reactions

   Entre os anos 1986 e 2003, contaba con máis de 650.000 reaccións; actualizándose con 3.000 máis de xeito mensual; a base de datos contén ademais 140.000 reaccións do prestixioso Institut National de la Propiété Industrielle, dende 1800.

   Index Chemicus e Current Chemical Reactions, conteñen representacións gráficas das estruturas das reaccións que aparecen nos artigos de revistas que eles cubren. Podes atopar estas bases de datos por estrutura, por un detalle dun compoñente ou reacción, ou pola información bibliográfica (tema, autor, título, dirección).

   Guía de uso (Inglés) 

   Bases de datos do CSIC

   Contén varias bases de datos bibliográficas elaboradas por diversas Seccións ou Centros do CSIC: ICYT: contén referencias dos artigos de investigación en ciencia e tecnoloxía extraidos de revistas editadas en España desde 1979. IME: contén as referencias bibliográficas dos artigos publicados en revistas españolas sobre biomedicina desde 1971. ISOC: contén referencias de artigos de revistas, monografías, informes técnicos, actas de congresos, etc. publicadas en España sobre diversas disciplinas das ciencias sociais e humanidades. DATRI: contén referencias de Transferencia de Resultados de Investigación da Rede OTRI/OTT e a oferta científica e tecnolóxica das entidades incluidas nela. CIRBICL: é o catálogo colectivo de libros das Bibliotecas do CSIC. Ademáis da información bibliográfica, proporciona a localización de exemplares nas bibliotecas do CSIC. CIRBICR: é o catálogo colectivo de revistas do CSIC. Ademáis da información bibliográfica, proporciona a localización concreta das revistas nas distintas bibliotecas do CSIC.

   Medicina:

       MEDLINE

       Medline (ISI)

      Medline Standard é a base de datos completa da U.S. National Library of Medicine dende 1966 ata o presente. Medline contén citas e resumes da literatura biomédica mundial, incluíndo investigación, práctica clínica, administración, políticas sanitaria e servicios de saúde. Recolle artigos publicados en aproximadamente 3.400 revistas especializadas de 70 países. Recolle tamén capítulos e artigos de libros. Contén ademáis o Thesaurus MeSH (Medical Subject Headings).

       Biblioteca Cochrane Plus

   Tradución da Cochrane Library, contén información en castelán da área da Medicina baseada na evidencia, que se actualiza catro veces ao ano, en febreiro, maio, agosto e novembro. Guía de uso no portal de Atención Primaria Fisterra.com

       Cinahl

   Base de datos da área de enfermería e outras especialidades médicas tales como a biomedicina, medicina alternativa ou complementaria, etc. Recolle unhas 2.737 publicacións e contén máis de un millón de rexistros que abarcan dende 1982 ata a actualidade. Contén acceso a libros sobre asistencia médica, teses sobre enfermería, actas de conferencias seleccionadas, normas de prácticas, software educativo, audiovisuais e capítulos de libros. O material textual inclúe mais de 70 revistas de casos legais, innovacións clínicas, camiños críticos, rexistros de drogas, instrumentos de investigación e ensaios clínicos.

   Ofrece publicacións da National League for Nursing e da American Nurses´Association, entre os que destacan algúns títulos como: AANA Journal, California Hospitals, Gastroenterology Nursing, Maternal and Child Health Journal, Paediatric Nursing, Parents, etc.

 Sport Discus full-text

A base de datos SportDiscus con Full-text completa a base de datos SportDiscus coa cal xa contaban as tres universidades galegas a través do Consorcio de Bibliotecas Universitarias de Galicia, trátase dun recurso con máis de 415 publicacións a texto completo (xa indexadas previamente en SportDiscus). O acceso ás revistas remóntase a 1985 e versa sobre diversas áreas do deporte, medicina deportiva, leis e lexislación deportiva, traballo con persoas discapacitadas, deseño e administración de instalacións deportivas, educación na saúde, psicoloxía do deporte, recreación ou turismo entre outros.

 

PSICOLOXÍA

    PsycInfo

Base de datos que proporciona resumos e citas de literatura nas ciencias do comportamento e da saúde mental. Cubre case 2.000 títulos de revistas, aínda que tamén ten capítulos de libros ou teses, de máis de 50 países e en mais de 25 linguas.

Inclúe importante material para psicólogos, e profesionais relacionados co campo da psiquiatría, xerencia, negocios, educación, ciencias sociais, neuroloxía, leis, medicina, e traballo social.

Conta con cerca dos dous millóns trescentos cincuenta mil rexistros que datan dende 1806, e que inclúen resumos (a partir de 1995 todos inclúen resumos, antes si algúns dos rexistros) que se actualizan de xeito semanal.

 

 3.  Xestionar as citas bibliográficas

Refworks:

Guía rápida de uso: Ver guía en PDF

Ver outras guías: Ver guías

Refworks, de CSA, é o novo xestor de referencias bibliográficas adquirido, a través de DOC6, polas tres universidades galegas en colaboración co Consorcio de Bibliotecas Universitarias de Galicia.

Os xestores de referencias bibliográficas coma Refworks, son programas que permiten ós usuarios, a través dunha subscrición institucional, abrir unha ou mais contas para xestionar a súa bibliografía.

O programa de administración bibliográfica Refworks permite:

- Crear unha base de datos persoal en liña. Pode almacenar unha cantidade ilimitada de rexistros con acceso dende calquera ordenador conectada á Internet. Non require descargar nin instalar ningún software, e as actualizacións son automáticas.

- Importar referencias bibliográficas automaticamente a partires de diferentes bases de datos, catálogos de bibliotecas e provedores como EBSCO, Wilson, ProQuest, ScienceDirect, ISI, OVID, Elsevier etc. A listaxe completa pódese consultar en: Ver listaxe de recursos

- Organizar referencias bibliográficas. Pode clasificar e arquivar referencias de arquivo fácil e rapidamente usando carpetas, pode duplicar índices de busca e autor, palabra clave e publicacións periódicas.

- Formatear bibliografías e documentos en segundos. Elaborar listados bibliográficos, dándolles o formato adecuado de maneira automática para incorporar a calquera documento de traballo. Dispón de numerosos formatos (Vancouver, MLA, APA, Chicago, etc) e se pode cambiar de un a outro con un simple clic do rato.

RefWorks é o medio ideal para almacenar unha base de datos persoal de investigación, intercambiar investigacións con colegas e descargar bibliografías en diferentes formatos de acordo ás esixencias das diferentes publicacións. Ademais de proporcionar mecanismos de investigación, ao profesorado tamén lles permite proporcionar acceso de só lectura ás bibliografías relacionadas cun curso.

Esta subscrición complétase coa opción RefShare, que se engade ó módulo de RefWorks e que permite compartir bases de datos de RefWorks de diferentes institucións, poñendo a disposición doutros usuarios da Universidade ou doutras institucións, as carpetas que decida compartir, nas condicións de acceso que defina (lectura,impresión, importación….) e permitindo deste xeito a realización de proxectos compartidos.

Para facilitar o traballo podemos empregar Write-N-Cite, un plug-in para Microsoft Word que lle permitirá crear a bibliografía do seu traballo engadindo referencias bibliográficas directamente dende Refworks cun so clic.

Tamén podemos empregar RefGrab-It un script que, dende o seu navegador (Internet Explorer ou Firefox), capturará información bibliográfica dende as páxinas web que nas que se atopen ISBNs, Pubmed-ID ou DOI, e as gravará directamente na súa conta de Refworks.

 

Tamén existe a posibilidade de crear unha listaxe interactiva coas tuas citas bibliográficas. Existe unha ferramenta gratuíta, de MIT (Massachussets Institute of Technology), Citeline que che pode axudar: permite crear unha exibición web interactiva de unha bibliografía ou citas bibliográficas ven a partir dun novo arquivo BibTEX ou importándoo dende Refworks ou Endnote. Hai bases de datos que temos subscritas, como as de Web of Science, que permite exportar os resultados nese formato e despois con Citeline crear a listaxe interactiva.